MP3JOSS

أوبريت الليلة الكبيرة | The Great Night

أوبريت الليلة الكبيرة | The Great Night

Choose Download Format

Download MP3 Download MP4

Details

Titleأوبريت الليلة الكبيرة | The Great Night
AuthorCheb Ali Mas
Duration37:24
File FormatMP3 / MP4
Original URL https://youtube.com/watch?v=1bIL9QjAGq8

Description

قبة سيدنا الولي دول نوروها. ما أحلى البيارق والناس بيزوروها. قبة سيدنا الولي في الجو عالية. ما أحلى البيارق لما نوروها.
حمص حمص، تل ما ينقص، ع النار يرقص. يرقص يرقص ويقول. اللي شاف حمص و لا كلشي حب و إتلوع و لا و لا طالشي
يسترك هات حبه بقرش. .. هاهاهاهاهاهاهاااو.!
اسعى اسعى اسعى اسعى .. خدلك صورة سته في تسعه .. اسعى اسعى اسعى اسعى .. ياسي عجورة النار خسعه
االله... لله... الله… عجمية .. باللوز .. طعمية ..اراجوز
الليلة الكبيرة ياعمي والعالم كتيرة .. ماليين الشوادر يابا م الريف والبنادر
دول فلاحين و دول صعايدة دول من القنال و دول رشايدة
ياحضرة الاراجوز قول لي
نعم ياعمدة عاوز ايه.
منين يروحوا المتولي ؟
امدح نبينا وصلي عليه
قال اللهم صلي عليه.
تمشي كده على طول على طول.. لحد ماتلاقي عمارة.
تدخل يمين تلقى بتاع فول.. دكانته على ناصيه حارة.
تدخل يمينك في شمالك.. شارعين وفي التالت تكسر..
على اليمين واخد بالك... وتمشي على طول تتمخطر.
تفضل كذا تمشي وتدب.. وتخش من مطرح ما طلعت
ولما تلقى مقلة لب. تعرف بانك تهت وضعت !
دي وصفه سهلة، دي وصفه هايلة.
ع السلامة، مع السلامة، مع السلامة يا أبوعمة مايله.
فتح عينك، تاكل ملبن. فينك فينك، تاكل ملبن
اوعى لجيبك.. لا العيب عيبك، قرب... جرب... نشن... وسطن ايدك وسطن. إضرب.. طاخ!
يحميك يابني تبقى غالبني. قرب خد لك حتة ملبن.
فريرة للعيل.. يا أبو العيال ميل. خد لك سبع فرارير.. زمارة.. شخليلة.. عصفورة ياحليلة.. طراطير يا واد طراطير!
الليلة الليلة السيرك تعالوا دي فرجة تساوي جنية قولوا هيه.
بمناسبه هذا المولد يوجد برنامج سواريه... قولوا هيه
في السيرك شجيع يهجم ع السبع و يركب دوغري عليه...قولوا هيه.
وبنات قمرات زي الشربات حلوين مش عارف ليه... قولوا هيه.
وكمان بلياتشو تعالوا اسمعوا نتشه وشوفوا هيعمل أيه..قولوا هيه
أنا شجيع السيما.. أبو شنب بريمة أول ما أقول هالى هب وأصرخ لى صرخة "ها ها ها" السبع يتكهرب و يبقى فرخة ! حالا بالا سأصارع أسد إنما أيه متوحش وهخلى وجهه شوارع ! تسقيفة يا ناس ما يصحش ! اهو جه اهو جاه .. تسقيفة بقي .. تسقيفة أمال.. تشجيعة أمال.. تعالى لي لالي لالي يا حبيبي تعالى لي.
دقي يا مزيكا
السمك مقلي كل و برق لي! صنف زي الفل.
استخار و اختار، فشه أو ممبار. يلا سمي و كل.
يا أم المتطاهر رشي الملح سبع مرات. في مقامه الطاهر خشي وقيدي سبع شمعات.
ياعريس ياصغير. علقة تفوت ولا حد يموت. لابس ومغير و ح تشرب مرقة كتكوت.
بالذمة دا سابع عيل. مزفوف من وقت قليل.
مولد شيلاه يامعلم. عقبال أولادك. .. كلمِ.
واحد مضبوط واتنين مصري.
ع النار حاضر جايلك دوغري.
مسا التماسي يا مسا التماسي، يا ورد قاعد على الكراسي.
هات شاي يا دقدق. .. عيني و راسي.
سمعنا يا ريس حنتيرة.. للصبح معاك السهيرة.. سمعنا.... سمعنا.
يا غزال يا غزال .. ده العشق حلال .. دوبتني دوب .. خلتني خيال .. يا شفتك فص فراوله ... وانا لا قوه و لا حولَ .. دوبتلي قلبي علي اوله .. اه ياغزال .. يارب يا عالم بالحال تهدي حبيبي و يصبح عال و اغني وارقع بالموال ... و اقول يا غزال يا غزال ..
وقف ياريس حنتيرة. في ناس هنا قاعدة كتيرة. و لا حد قال هات تعميرة، و لا واحد شاي، اللي حيطلب رح يقعد. والل ما يطلبش يبعد.
يلا بنا نخرج يا مسعد شارع الترماي.
ورينا القوة. يا ابني أنت و هو. مين عنده مروة و عاملي فتوه. يقدر بقداره على زق الطارة و يفرقع بمبه.
وسع وسع وسع. انا ازق الطارة و اضرب ميت بمبه. ده انا الاسطى عمارة من درب شكمبة. صيتي من القلعة لسويقة اللالا ، انا واخد السمعه.
طب يلا تعالى
لا يا عم سعيدة.. البدلة جديدة.
هههأه سعيده.. يا أبو بدله جديدة..
اوعد يارب اوعد ...آدي كمان قهوة.
يلا بنا يا مسعد، ندخل على سهوه!
طار في الهوا شاشي وانت ما تدراشي. طرفه شاوري شاورلي عليك، حكم الهوا ماشي. حكم الهوا ماشي. هوا العصاري. يا واد، على سطح داري يا واد. خدني و رماني رماني عليك و لا أنت داري . آهين يا ناري..منك يا جاري.. خدني و رماني رماني عليك هوا العصاري.
ماشي ماشي .. ماشي كلامك .. اه اللي حيطلب راح يقعد ,و اللي ما يطلبش يبعد.
يلا بنا نخرج يا مسعد شارع الترماي.
ناس من بلدنا هناك أهم. روح يا إبراهيم انده لهم.
سلامات سلامات سلامات.. سلامات ع البلديات.
ليلتكوا أنس وجلجلة.. إنشد و لعلع يا وله .. شفت ف منام صاحب المقام.ده ابهه
ويمامه حايمه عليه تسبح ربها.
ميلت فوق يده و جيت احبها.
صحوني م النوم خدت بعضي و تني جي .. تني جي. و بعوده و بعوده وبعودة..وبعودة.
دي الحضرة والذكر انجلى. يالله بنا نذكر ياوله.
يا ولاد الحلال بنت تايهة طول كده .. رجلها الشمال فيها خلخال زي ده.
زحمة يا ولداه. كام عيل تاه.
دي الليلة الكبيرة ياعمي والعالم كتيرة. ماليين الشوادر يابا من الريف و البنادر
آذان .

كلمات: صلاح جاهين
ألحان: سيد مكاوي
عرائس: ناجي شاكر
ديكور: مصطفى كامل
إخراج مسرحى : صلاح السقا
إخراج تليفزيونى : محمود بيومى

غناء
سيد مكاوي - شفيق جلال - عبده السروجي - محمد رشدي - حورية حسن - إسماعيل شبانة - صلاح جاهين - شافية أحمد

🎧 Just For You

🎵 Apt. - Ros & Bruno Mars 🎵 Be Mine - Kamrad 🎵 Headphones On - Addison Rae 🎵 Blessings - Calvin Harris Feat… 🎵 Good Luck, Babe! - Chappell Roan 🎵 - Emin & Jony 🎵 Havana - Camila Cabello Feat. Young Thug 🎵 Daisies (If Duplicate, Skip) 🎵 Nuevayol - Bad Bunny 🎵 Somebody That I Used To Know - Gotye… 🎵 Victory Lap - Fred Again..., Skepta &… 🎵 Golden - Huntr/X