1998黃乙玲 - 感謝無情人Kám-siā Bô-tsîng-lâng(高音質)

Details

Description

作詞：許常德/吳梵
作曲：吳梵

別人苦勸離開你
pa̍t-lâng khóo-khǹg lī-khui lí
若無
nā bô
命早慢無去
miā tsá-bān bô--khì
偏偏阮毋知生死
phian-phian gún m̄-tsai senn-sí
一錯再錯夢破碎
it-tshò tsài-tshò bāng phò-tshuì

阮的山盟無後悔
gún ê san-bîng bô hiō-hué
你的海誓算啥物
lí ê hái-sè sǹg siánn-mih
放阮情海咧泅水
pàng gún tsîng-hái teh siû-tsuí
海水一喙吞落去
hái-tsuí tsi̍t-tshuì thun--lo̍h-khì

啊~感謝無情人
ah~ kám-siā bô-tsîng-lâng
傷阮是傷遮重
siong gún sī siong tsiah tāng
逼阮對愛絕望
pik gún tuì ài tsua̍t-bāng
做一个無心的人
tsuè tsi̍t-ê bô-sim ê lâng

啊~感謝無情人
ah~ kám-siā bô-tsîng-lâng
變心閣來相送
piàn-sim koh lâi sio-sàng
往事一站一站
óng-sū tsi̍t-tsām tsi̍t-tsām
袂當閣去愛別人
buē-tàng koh khì ài pa̍t-lâng
你才甘願
lí tsiah kam-guān
---

一段情到遮為止
tsi̍t-tuānn tsîng kàu tsia uî-tsí
咒誓的心
tsiù-tsuā ê sim
已經死
í-king sí
無情的人
bô-tsîng ê lâng
請你趕緊離開
tshiánn lí kuánn-kín lī-khui
是你叫阮
sī lí kiò gún
疼你疼袂入心
thiànn lí thiànn buē ji̍p sim

啊~感謝無情人
ah~ kám-siā bô-tsîng-lâng
傷阮是傷遮重
siong gún sī siong tsiah tāng
逼阮對愛絕望
pik gún tuì ài tsua̍t-bāng
做一个無心的人
tsuè tsi̍t-ê bô-sim ê lâng

啊~感謝無情人
ah~ kám-siā bô-tsîng-lâng
變心閣來相送
piàn-sim koh lâi sio-sàng
往事一站一站
óng-sū tsi̍t-tsām tsi̍t-tsām
袂當閣去愛別人
buē-tàng koh khì ài pa̍t-lâng
你才甘願
lí tsiah kam-guān