Chastelain de Couci - Li nouviautz tanz (Alla francesca)

Details

Description

chant : Raphaël Boulay

flûte double : Pierre Hamon

cymbalettes : Brigitte Lesne


http://cmmp.pagesperso-orange.fr/alla.francesca.html

http://www.medieval.org/emfaq/performers/af.html



Li nouviautz tanz et mais et violete
Et louseignolz me semont de chanter
Et mes fins cuers me fait d'une amourete
Si douz present que ne l'os refuser.

Or me lait Dieus en tele honneur monter
Que cele u j'ai mon cuer et mon penser
Tieigne une foiz entre mes braz nuete
Ancoiz quaille outremer.

Au conmercier la trouvai si doucete,
Jan e quidai pour li mal endurer ;
Mes sez douz vis et s abele bouchete
Et si vair oeill bel et riant et cler
M'orent ainz pris que m'osaisse doner ;

Maiz s'or me veut retenir et cuiter
Mieuz aim a li faillir, si me pramete,
Qu'a une autre achiever.

Las ! pour coi l'ai de mes ieuz reguardee,
La douce rienz qui Fausse Amie a non,
Quant de mo rit et je l'ai tant amee
Si doucement ne fu trahis nus hom.

Tant com fui mienz, ne me fist se bien non ;
Mes or sui suenz, si m'ocit sans raison,
Et c'est pour ce que de cuer l'ai amee !
N'I set autre ochoison.

De mil souspirs que je li doi par dete,
Ne m'en veut pas un seul cuite clamer ;
Ne Fausse Amours ne lait que s'entremete,
Ne ne me lait dormer ne reposer.
S'ele m'ocit, mainz avra a guarder ;
Je ne m'en saivengier fors au plourer ;
Quar qui Amours destruit et desirete
Ne l'en doit on blasmer.